jesus my lord

عزيزى الزائر يمكنك الاشتراك معنا فى المنتدى والمشاركه فى الموضوعات المطروحه فقط بالضغط على زر تسجيل . نتمنى مشاركتكم
jesus my lord

منتدى يسوع ألهى


    غنوه فى اول الشارع

    شاطر
    avatar
    katy
    مشرفه منتدى الارتباط والعلاقات بين الجنسين

    الساعه والتاريخ الأن :
    عدد الرسائل : 74
    العمر : 30
    تاريخ التسجيل : 20/09/2007

    default غنوه فى اول الشارع

    مُساهمة من طرف katy في الثلاثاء 25 سبتمبر 2007 - 22:06

    أنا معرفش إيه اللى خلانى أجيلك تانى؟...مش كنا

    خلاص يا اميرتى ...شفتك النهارده الضهر على

    الكورنيش و قولنا الكلام كله...إيه اللى خلانى أرجع و

    أعدى عليكى قبل ما أسافر...و لما كنت نازل لبيتكم

    اللى فى البدروم على السلم ...ليه وقفت فى

    الضلمة؟...و إزاى حستى بيا و فتحتى الباب؟...مش

    عارف...و دلوقت انت بقعدينى على الكنبة و بتصحى

    أخوكى الصغير و تزقى رجله على جنب عشان أقعد...و

    تلمى الهدوم المتبعترة فى كل حته...و تغيرى قناة

    التلفزيون...علشان تفهمى من غير ما تسألى إيه اللى

    جايبنى دلوقت بعد ما خلاص حسافر؟...بلاش ...هيه

    مش امك جت و وقفت على باب الأوضة و لما

    شافتنى..كانت عينيها بتصرخ " يا عالم...يا هوه...هو

    إحنا مش حنخلص من الغلب ده بقى"...لكنها كانت

    ساكته لما حطيت وشى فى الأرض...و دخلت المطبخ

    تعمل الشاى...و أنت بتبصى فى عينيا و بتسألى ألف

    سؤال وسؤال مستنية الأجابات...و بدل ما تسألنى

    تسكتى و عيونك تنزل الأرض كأننا أول مرة بنشوف فيها بعض

    إحنا ساكتين...لكن الغنوة اللى فى أول الشارع

    ماسكتتش...لسه صداها فى الجو و فى الشارع

    الهادى المضلم بيردد الألحان و النغمات...حد فاتح

    الراديو على إذاعة الأغانى...و بيسمع أغنية قديمة
    لعبد الوهاب

    أخوكى الصغير بيصحى من نومته على كلامنا أو بالأصح

    سكوتنا...أو على دوشة الشارع الرئيسى...أو من حر

    الأوضة اللى تحت الأرض...بس بيقوم ويقعد يبصلنا

    بإستغراب...ولا كاننا أغراب...و يقوم يدخل فى حضنى و

    يكمل نومته على كتفى...و قبل ما يصحى...كنت

    بتقولى أن خالتك قعدت تحط السم فى ودانك

    وتقولك.."أول ما يسافر..ترمى دبتله..و شوفى نصيبك يا

    بنتى"...لكن أنت سكتى...و أمك سكتت...لأنها فاهمة

    و عارفة القصة والحكاية...عارفه أن لو أنت رميتى الدبلة

    مش حتلاقى حد يتقدملك...مش عشان

    النصيب..لأ..عشان أنت قولتى ربنا مابيرضاش بظلم

    البنى آدم...و مابيرضاش على اللى يرفض نصيبه و قدره من الدنيا

    خلاص..معدش فى غير الدموع يترجموا كلامك...و أنت

    قومتى تغسلى وشك منهم و تبصى على نفسك فى

    المراية الصغيرة المشروخة اللى فوق الحوض...و أمك

    جابت لى الشاى وهى بتبصلى بصه...ماكنتش عارف

    أفسرها...فيها من اللوم ،الشفقة ،الحب و الحنان

    خلاص.. ماعدش فى كلام يتقال غير الكلمتين اللى

    بتكرريهم.."حتقعد فين؟ ومع مين؟ وحتشتغل إيه

    هناك؟"...أنا لسه فاكر أمى من أسبوع كانت بتسال

    زيك..لكن حتعملى إيه؟...و أنت نفسك تقولى اللى فى

    قلبك...بس مش عايزة تجرحينى قبل السفر...و أنا

    مش عارف إيه اللى خلانى أوصيكى على أمى؟...رغم

    أنها ماشفتنيش و أنا خارج من بيتنا...كانت قاعدة طول

    الليل تحضر شنطتى و تستنانى أجى عشان تودعنى

    لكن طول الأنتظار هدها و غلبها النوم...كنت عايز

    أبوسها فى جيبنها...بس قولت بلاش...لأحسن

    تصحى...و تشوفنى...و تعيط..وأنا ماكنتش ناقص

    عياط..خرجت من غير ما تشوفنى ..ولا أنا أبوسها

    وتبوسنى...اللى شافنى و أنا ماشى هو حسن

    أخويا...الواد أول ماشافنى فى الشارع...جرى ودخل

    فى حضنى...وماهموش الناس اللى كانت بتبص

    علينا...و فى حضنى..و فى قميصى...بكا و

    عيط...وشال عنى الشنطة رغم أنها كانت تقيلة

    عليه...قولته "بلاش أحسن"...مرضيش و أصر على أنه

    يوقف لى التاكس كمان و كان نفسه يركب معايا و يوصلنى لحد المطار

    خلاص...أنا اللى بحكى وماعدش فى كلام يتقال...و ا

    لغنوة اللى فى أول الشارع...سكتت بعد ما فرج بواب

    الفيلا اللى ع الناصية قفل الراديو الصغير القديم...و إن

    كانت الغنوة خلصت و سكتت فى راديو فرج

    البواب..أهيه بتتعاد تانى وتالت فى التاكسى.. و فى

    المحل اللى على تانى ناصية.. و فى القهوة..و فى

    أوض النوم..لسه صداها فى الشارع...و فى

    الشبابيك..وفى قلبى.. وفى قلبك

    خلاص...أنا ماشى بقى...مش عشان معاد الطيارة

    قرب...لأنى لو قعدت شوية كمان...مش حسافر



    avatar
    basem
    Admin

    الساعه والتاريخ الأن :
    عدد الرسائل : 2184
    العمر : 27
    البلد : ماما مصر
    تاريخ التسجيل : 28/08/2007

    default رد: غنوه فى اول الشارع

    مُساهمة من طرف basem في الأربعاء 26 سبتمبر 2007 - 2:57

    ههههههههههههههههههه مع انى مفهمتش اى حاااااااااااجه يا كاتى بس شكرا على الموضوع ده لو فى حد فهم بقا يبقى يفهمنى يا جماعه





    avatar
    jesus lover
    مشرفه منتدى الصور والتصميمات
    مشرفه منتدى الصور والتصميمات

    الساعه والتاريخ الأن :
    عدد الرسائل : 463
    العمر : 26
    علم الدوله :
    تاريخ التسجيل : 28/08/2007

    default رد: غنوه فى اول الشارع

    مُساهمة من طرف jesus lover في الأربعاء 26 سبتمبر 2007 - 3:40

    موضوع حلو
    بس انا كمان مفهمتش حاجه
    اكيد فيها حاجه بس احنا مش عارفيناها يا باسم
    عموما لو حد فهم حجه ممكن يقولهالنا
    ولو مفيش حد يبقى كاتى اكيد هتشرحهالنا يا باسم



    jesus my lord


    avatar
    katy
    مشرفه منتدى الارتباط والعلاقات بين الجنسين

    الساعه والتاريخ الأن :
    عدد الرسائل : 74
    العمر : 30
    تاريخ التسجيل : 20/09/2007

    default رد: غنوه فى اول الشارع

    مُساهمة من طرف katy في الأربعاء 26 سبتمبر 2007 - 6:49

    بصوا دى قصه حب واحد كان مسافر عدا على حبيبتوا قبل مايسافر وده الحديث اللى كان بنهم بس هى قصه رومنسيه اوووووووووى




    koko_elia
    عضو جامد
    عضو جامد

    الساعه والتاريخ الأن :
    عدد الرسائل : 79
    العمر : 22
    تاريخ التسجيل : 23/09/2007

    default رد: غنوه فى اول الشارع

    مُساهمة من طرف koko_elia في الأربعاء 26 سبتمبر 2007 - 15:03

    على فكرة يا كاتى احنا فى منتدى مسيحى مفيش مكان للحب والغرام العالمى الذائف لكن أحنا هنا بنتكلم على عناية وحب المسيح ويا رايت ميكونش كلامى زعلك وانا بشجعك أنك تكتبى قصص بس ع حب المسيح
    avatar
    basem
    Admin

    الساعه والتاريخ الأن :
    عدد الرسائل : 2184
    العمر : 27
    البلد : ماما مصر
    تاريخ التسجيل : 28/08/2007

    default رد: غنوه فى اول الشارع

    مُساهمة من طرف basem في الخميس 27 سبتمبر 2007 - 3:04

    ااوكى شكرا ليكى يا كاتى على الموضوع
    بس انا برضه عاجبنى رد كوكو مش معنى كده انه احنا مقفولين وكده بس
    مظنش انه ده مكان قصص الحب لانه فى منتديات تانى
    للشغل ده مش معنى كده انه احنا عايزين
    قصص مسيحيه بحته بس انواع القصص التانيه
    تكون ضحك وهزار وكده
    اتمنى الرد ميزعلكيش يا توتا ولو عندك اى كلام عايزه تقوليه انا تحت امرك





    avatar
    basem
    Admin

    الساعه والتاريخ الأن :
    عدد الرسائل : 2184
    العمر : 27
    البلد : ماما مصر
    تاريخ التسجيل : 28/08/2007

    default رد: غنوه فى اول الشارع

    مُساهمة من طرف basem في الخميس 27 سبتمبر 2007 - 6:06

    لكن لو انتى تقصدى
    بالقصه دى ضحك وهزار وده اللى
    انا فهمته اول ما قريتها يبقى
    احنا اسفين لو فهمنا غلط ويبقى بجد الموضوع
    جميل وعموما ربنا يباركك فى كل حاجه
    لانك بجد بركه كبيره للمنتدى





    avatar
    katy
    مشرفه منتدى الارتباط والعلاقات بين الجنسين

    الساعه والتاريخ الأن :
    عدد الرسائل : 74
    العمر : 30
    تاريخ التسجيل : 20/09/2007

    default رد: غنوه فى اول الشارع

    مُساهمة من طرف katy في الخميس 27 سبتمبر 2007 - 6:51

    سورى ياجماعه انا اسفه وكلامكم مزعلنيش ولا حاجه احنا بخدم كلنا مع بعض اخوات فى عمل واحد واكيد هنعمل على بعض وانا بجد بتأسف للمره التانيه ســــــــــــــورى



    avatar
    tota_elia
    عضو جامد جداااا
    عضو جامد جداااا

    الساعه والتاريخ الأن :
    عدد الرسائل : 241
    العمر : 25
    تاريخ التسجيل : 11/09/2007

    default رد: غنوه فى اول الشارع

    مُساهمة من طرف tota_elia في الخميس 27 سبتمبر 2007 - 11:50

    انا الى أسف كاتى على اسلوبى كان وحش بس معاكى بس انا أسف ويمكن انا كان قصدى خوف على المنتدى مش اكتر واحنا كلنا أعضاء فى جسد واحدة ومنأدرش نقول لدة لا متعملش لكن بل بلعكس احنا كلناتحت امرك ويا رايت اسمع مشركات تانى منك ومن مواضيعك ألحلوة وأكيد فى اماكن تانى للمواضيع دى وهنا فى المنتدى مش برة وكلنا مع بعض عائلة أأأأأأسسسسسسف



    jesus my lord



    koko_elia
    عضو جامد
    عضو جامد

    الساعه والتاريخ الأن :
    عدد الرسائل : 79
    العمر : 22
    تاريخ التسجيل : 23/09/2007

    default رد: غنوه فى اول الشارع

    مُساهمة من طرف koko_elia في الخميس 27 سبتمبر 2007 - 11:52

    سورى يا جماعة الكلام الى أتكتب دة بأسم توتا كان كلامى معلش غلطة مطبعية
    avatar
    basem
    Admin

    الساعه والتاريخ الأن :
    عدد الرسائل : 2184
    العمر : 27
    البلد : ماما مصر
    تاريخ التسجيل : 28/08/2007

    default رد: غنوه فى اول الشارع

    مُساهمة من طرف basem في الخميس 27 سبتمبر 2007 - 22:00

    لا ولا يهمك يا عم كوكو وربنا يبارككم يا جماعه على شغلكم فى المنتدى





    avatar
    jojo
    مشرف منتدى الصور

    الساعه والتاريخ الأن :
    عدد الرسائل : 653
    العمر : 25
    البلد : sohag
    تاريخ التسجيل : 20/10/2007

    default رد: غنوه فى اول الشارع

    مُساهمة من طرف jojo في الخميس 10 يناير 2008 - 21:50

    الموضوع حلو اوى ربنا يباركك






    avatar
    dav
    عضو اساسى
    عضو اساسى

    الساعه والتاريخ الأن :
    عدد الرسائل : 3378
    العمر : 32
    البلد : لو لم أكن مصريا لوددت أن أكون مصريا
    الحاله :
    تاريخ التسجيل : 02/11/2007

    default رد: غنوه فى اول الشارع

    مُساهمة من طرف dav في الجمعة 11 يناير 2008 - 1:18

    يا جماعة انا رايى بيختلف شوية مع الشباب بس هى القصة حلوة لولا انها بدور حول غنوة واخوه اسمه حسن مكنش حد هايعترض عليها لانها فعلا مؤثرة للي يفهم

    طبعا مقصدكيش انتى فيولا خالص

    شكرا كاتى

      الوقت/التاريخ الآن هو الأحد 22 أكتوبر 2017 - 2:59